Suliffissarsiornermi ikiorneqarneq

Kalaallit København-mi najugaqartut suliffissaqartitsiniarnermi ikiorneqarsinnaapput suliffissarsiornermi imaluunniit atuarnermi saniatigut suliffimmik qinaasinermi. Taamatuttaaq qallunaat oqaasiinik ilinniarniaraanni aammalu attavissanik ikiortinneqarnissaq piuvoq.

Qaqugukkulluunniit jobcenteri atorsinnaavat – aamma isumaqatigiissusiunngikkaluarlutit. Isaariatsigut aggiinnarsinnaavutit, taava ikiuuttussamik naleqquttumik nassaassaagut. Quppernerup ataani sumiiffipput takusinnaavat.

Piumaguit aamma Jobcenter Københavnimi Tikilluarit-mi sulisut toqqaannaq saaffigisinnaavatit, taakkua Kalaallit Nunaannut immikkut ilisimasaqarput. Taakkua suliffissannik, ilinniarfissannik ujartuinissannut imaluunniit Danmarkimi piginnaasavit qanoq atorneqarsinnaanerinut oqaloqatiginissannut piareersimapput.

Tikilluarit qanoq attaveqarfigisinnaanerlugu uani paasisaqarnerugit.

Jobcenter København-ip ilinnut neqeroorutai  
 

• København-imi atorfittaassat aallartilluarusuppiuk? `Karriereprogrammit`assigiinngitsunut, tassa angusaqarluarluni atorfeqarsinnaanermut iliuuseqarsinnaasunut ilanngunniarlutit, nalunaarit, ilinniartuuguit imaluunniit suliffissarsiortuuguit. Piumasaqaataavoq tuluttut oqalussinnaallutillu allassinnaassasutit. `Karrieprogrammit`pillugit uani atuarit 
   
• Suliffissarsiorniaruit ikiorneqarsinnaavutit aamma qallunaat suliffeqarfii pillugit jobcenter-ip sulinermi siunnersortaaniik ilisaritinneqarsinnaavutit  82 56 56 82 -imut sianerit.
   
• Toqqaannartumik siunnersueqatigisaqarusukkuit, tassa maannakkut suliffissaq pillugu allagarsiussamut tunngatillugu taava suliffissanut akunniulluni saaffiginnittarfimmut uaniittumut Gammel Køge Landevej 43 Valby-miittumut saaffiginniinnarsinnaavutit. Tamanna tassa G0-mik taaneqartartoq. 
   
• Qallunaatut ilinniarnissat pisariaqartikkukku, taava jobcenteri aqqutigalugu innersuunneqarsinnaavit? København-ip Kommuneata nittartagaani periarfissatit pillugit sukumiinerusumik atuarlutit paasisaqarsinnaavutit.