Trin-guide – København-imut nuunnermi najoqqutarineqarsinnaasat

Nunamut allamut nuunnermi annertuumik orluartitaasoqarsinnaavoq. Arlalippassuit nakkutigineqartariaqarput.Trin-for-trin guide-mik taasatsinnut pingaarnerit katersorpagut, tassa Nunatsinniit Københavnimut nuunnermi malinneqarsinnaasut.

Nuunnginninni

Fold alle ud

Suliffissat aamma suliffissarsiorneq

Suli nuutsinnak suliffissarsiornerit aallartikkukku, annertuumik tamanna ajussanngikkaluaqaaq. Internet aqqutigalugu (online atorlugu) suliffissarsiortarfiit, soorlu makku Jobnet, Jobindex aamma LinkedIn atukkit.

København-imut tikikkuit sulilu suliffissarsinak, taava Jobcenter København-imi suliffissarsiorninni ikiorneqarsinnaavutit aamma suliffeqarfiit pillugit ilisaritissavaatsit. 


Jobcenter København-ip qanoq ikiorsinnaaneraatit pillugu ugguuna paasisaqarnerusinnaavutit. 

Inissaqarniarneq

Aallartinnak inissannik ujaasinissat pingaaruteqaqaaq. 

Angerlarsimaffissamik ujaasineq unammillernartuusinnaavoq sivisusinnaallunilu.Taamaattumik København-imi ineqarniarnermi pissutsit qanoq inissisimanersut aallartinnak paasiniaaffigereeruk. 
Inissianut nalinginnaasunut namminersortunillu pigineqartunut allatsereerit. 
Inissarsiortarneq pillugu ugguuna atuarit

Aallartinnak qularnaveeqqutiliissutissanut aamma pequtinut akissaqarnissat isumageriissavat 

Nunatsinni pisartagaqaruit (ass. soorlu aningaasanik ikiorsiissutit)

Nunatsinni pisartakkat ”nammineerluni” Danmarkimut nuunnermi nooqqataannavianngilaq. Innersuussutigissavarput Danmarkimut tikikkuit sukkanerpaamik  jobcenterimut saaffiginnissasutit. Tassani siunissami qanoq pilersorneqarnissat pillugu ilitsersuunneqassaatit. 

Kontanthjælpi-sisaruit

Kontanthjælpi-siarisartakkatit Danmarkimut nassarsinnaanngilatit. Nunatsinni inuit allattorsimaffiannut nuunnerit nalunaarutigigukku, taava ingerlaannaq kontanthjælpinik pisarnerit unitsinneqassaaq.

”Fleksjobydelse”-nik pisartagaqaruit

Fleksjobydelse-nik pisartagaqaruit aamma taakku Danmark-imi atuutsinneqarsinnaanngillat. Nunatsinni inuit allattorsimaffiannut nuunnerit nalunaarutigigukku taava ingerlaannaq taakku pisarneri unitsinneqassapput.

Sioqqutsilluni pensionisiaqaruit

Sioqqutsilluni pensionisisarneq assigiinngitsunut marlunnut immikkoortinneqartarpoq.Sioqqutsilluni pensionisiaq arlaalluunniit nunatsinni pisaraluarukku, taava tamanna pillugu jobcenter-imut saaffiginnissaatit eqqortumillu ilitsersorneqarlutit. 

Nunatsinni siusinaartumik pensionisiatit qaffasinnerpaajuppata, taava pisinnaatitaavutit qallunaat siusinaarlutik pensionisiarisartagaassa qaffasinnersaannut ingerlatinneqarsinnaallutit, tassa naalagaaffeqatigiit akornanni nuukkavit. 
Pingaaruteqarpoq pisartakkavit taamaatinnerannut nalunaarnissat, tassa nunatsinni inuit allattarsimaffiannut nuunnerit nalunaarutigilerukku. 

Sioqqutsilluni pensionisiat Danmark-imut nuunnermi ilaaneq ajorput – taamaattumik illit Jobcenter København-imut saaffiginnissaatit Danmarkimut tikkikkuit, tassa ”Udbetaling Danmark”-ip tamanna aaliangiiffigijumaarmagu.

Sioqqutsilluni pensionisiani akulleq imaluunniit atsinnerpaaq nunatsinni pisartagarigukku, taava Danmark-imut nuunnninni nammineerlutit sioqqutsilluni pensionisisalernissaq qinnuteqaatigissavat.Nooreernerup kingorna tunniunneqartartut qaammatini 12-ni suli pisartagarissavatit, tamanna piginnaatitaaffigaat.

Meeraqaruit

Meeqqerivinni atuarfinnilu utaqqisoqarsinnaavoq.Taamaattumik aallartinnak periarfissanik misissuereerit.

 Meeqqanik paarsisarneq aamma atuarfiit pillugit København-ip Kommuneata nittartagaani atuakkit.

Tikikkuit

Fold alle ud

Adresse-p nuunnera

Nuukkuit ullut tallimat (5) qaangiutsinnagit adresse-t nuussavat.Uani taamaaliorsinnaavutit www.borger.dk.

Ikiorneqarnissannik kissaateqaruit taava Københavns Borgerservice-mut saaffiginnissaatit.

MitID aamma allakkat qarasaasiatigoortut

MitID

Danmark-imi pisortat akornanni attaveqatigiinneq qarasaasiakkut ingerlanneqartarpoq. 

Taamaattumik MitID atussavat, taanna ilinnullusooq matuersaataassaaq, taassuminnga pisortanit allakkat ilinnukartut qarasaasiatigoortut ammarlugillu atuartarsinnaavatit. Taamaattumik piaarnerpaamik MitID -mik pisaassaatit. 

Qanoq ilillutit MitID pissarsiarisinnaanerlugu atuarit

Allakkat digitaliusut   

Pisortanit allagarsiatit qarasaasiatigoortut una aqqutigalugu pisarpatit www.borger.dk.

App-eq oqarasuaatit atorlugu oqarasuaammut ikkutissavat, taamaasillutit ajornanngitsumik pisortanit allagarsisimanerlutit takusinnaajuassavat. Allagarsiatit qarasaasiatigoortut 

Taakku pillugu uani app-imi atuakkit 

 

NemKonto-liorit

NemKonto tassaavoq konto pisortat aningaasanik  ikisisiniaraangamik atortagaat.NemKonto -liornissannik aningaaseriviup ikiorsinnaavaatit, tassa peqariinngikkuit.

Peqqinneq – nakorsaq aamma kigutilerisoq

Peqqissutsimut allagartaq /Sundhedskort

Adresse-t nuukkukku taava sundhedskort-imik adresse-nnut nassinneqassaatit. Sundhedskort-i tassaavoq allagartaq ersiut akeqanngitsumik nakorsiarsinnanermut suliarineqarsinnaanermullu, nammineq nakorsami aamma nakorsanut immikkut paasisimasalinni.

Danmark-imi peqqinnissaqarfik nunatsinni peqqinnissaqarfimmit immikkut ippoq tamanna ima isumaqarpoq, soorlu illit nammineq kina nakorsariniarnerlugu aalajangersinnaavat. Paasissutissat illit nakorsannut tunngassutillit sundhedskort-inni takuneqarsinnaapput. 

  • Sundhedskort-issavit tigunissaanut sap.ak. 2-4 sivisussuseqarsinnaavoq.Taamaattumik naammagittartariaqarputit aamma eqqaamassavat allakkanut issoraavinni/ nakkartitsisarfinni atit erseqqissumik allaqqasussaammat.
  • Sundhedskort-it tigummiartuaannaruk.Oqarasuaatit atorlugu sundhedskort-imut app-eq ikkusinnaavat.
  • Eqqaamallugu nammineq nakorsarisannit nakorsaatissanut allagartaq pissagakku, tassa nakorsaatinik pisaruit, aamma taperneqarsinnaanermut periarfissat misissukkit.

Sundhedskort pillugu uani atuarit

Kigutilerisoq

Nammineerlutit kigutilerisumik qinerlissaatit. 
Kigutilerisumik qanoq ilillutit nassaarsinnaanerit aqqutigalu atuaruk

Ulluunerani paaqqinnittarfiit aamma atuarfik

Meeraqaruit taava taakku ulluunerani paaqinnittarfinnut nalunaarutigineqassapput, utaqqisunut immaqa ilanngunneqarsimapput immaqaluunniit inissaminnik pereersimallutik.

Meeqqanik paaqqinninneq aamma atuarfik pillugit uani annertunermik paasisaqarsinnaavutit 

Akileraartarneq

Danmark-imut nuukkuit akileraartarnerpit skattekort-ivillu naleqqussarnissaat pingaaruteqarpoq, taamaasillutit marloqiusamik akileraartinneqarsinnaanerit ingalassimasinnaagakku. 
Una aqqutigalugu ikiorneqarsinnaavutit skat.dk.

Ingerlatitsisinnaanermut (kørekorti) allagartaq ilaasartaatillu

Ingerlatitsisinnaanermut (kørekorti) allagartaq 

Nunatsinniit ingerlatitsisinnaanermut (kørekorti) allagartaqaruit, taava ingerlatsisinnaanermut misilitsissaatit Danmark-imut nuunninniit ullut 180-it iluanni, taava atorsinnaasumik ingerlatitsisinnaanermut (kørekortimik) allagartamik pissaatit.

Ingerlatitsisinnaanermut allagartaq (kørekorti) pillugu uani atuarit 

Ilaasartaatit tamanut ammasut

Qanoq ilillutit tamanut ammasunut ilaasartaatinut ilaasinnaanerit paasisaqarfigiuk immaqa aamma Rejsekort-itaarsinnaavutit – taanna allagartannguatut imaluunniit app-itut pineqarsinnaavoq. 

Rejsekort pillugu ugguuna atuarit

Eqqarsaatiginiaruk sikkilitaassanerlutit, sikkilit atorlugit ajornaatsumik København-imi angalasoqarsinnaavoq.

Qallunaat oqaasii

Oqaatsit saperukkit immaqaluunniit qallunaatut oqalunneq sungiusimanngikkukku, taava ilinnut pitsaassaqaaq taakku ilinniarukkit.

Jobcenter Københavnip qallunaatut ilinniarnissamut neqeroorutai uani atuarsinnaavatit danskundervisning

Suliffissaaleqinermut aningaasaateqarfik

A-kasse-mut nalunaarit taamaasillutit suliffeerutissagaluaruit aningaasatigut ikorfartorneqarsinnaanerit qulakkiissavat.

Atorfilittut, sulisutut suut pisinnaatitaaffiginerlugit paasisaqarit. 

Suliffeqanngikkuit

Danmarkimut nuunninni suliffeqanngikkuit, taava siullertut nammineerlutit suliffissarsiuussisarfimmut suliffissarsiortutut saaffiginnissaatit. 

Pisartakkanik qinnuteqaruit, taava qinnuteqaatit kingusinnerpaamik ullut sisamat suliffissarsiortutut nalunaareernerup kingorna tamanna pissaaq.

Kontanthjælpinik aamma aningaasatigut allanik pisartagaqarniarlutit qinnuteqassaguit uani taakkununnga malittarisassat pillugit paasisaqarsinnaavutit. 

Pisartagaqarniarlutit qinnuteqaatit allagartallu uppernarsaatit kakkiutissavatit

Aningaasanik ikiorsiissutinik imaluunniit aningaasatigut allatut ikiorneqaqqunermi allagartat uppernarsaatit arlallit qinnuteqaammut ilanngunneqartariaqartarput.
 
Uani tamakkerlugit suunneri takusinnaavatit, aamma suut allagartat uppernarsaatit qinnuteqaatinnut ilanngunneqassanersut

 

Ilinniarsimanerup akuerineqarnera

Maluginiaruk nunatsinni ilinniarsimasat tamarmik ingerlaannaq Danmark-imi atuutinngimmata, akuerisaanngimmata. Borger.dk aqqutigalugu taakku nalilersorneqaqqusinnaavatit, tassa tamanna pisariaqassappat.

Borger.dk aqqutigalugu ilinniakkanik nalilersuisarneq pillugu paasisaqarnerusinnaavutit

Ataqatit (attaveqaatitit) kulturilu

Sumiiffinni kalaallinut neqeroorutit saaffigikkit, soorlu assersuutigalu Kalaallit Illuutaat imaluunniit kalaallinut peqatigiiffik. Taakkunani periarfissaqarputit ataqatigisinnaasannik ajunngitsunik ilisarisimasalersinnaallutit.Tamanna aamma ilinniagaqarfinni pisinnaavoq.

Kalaallit Illuutaat pillugu uani paasisarnerusinnaavutit

København-imi sunngiffimmi aamma kulturikkut inuunermi misigisassarpassuupput. 

København-imi peqatigiiffinni inuuneq pillugu maani paasisaqarsinnaavutit aamma sunngiffimmi soqutigisanik aallussisinnaanermi periarfissarpassuupput

Nunatsinnut uteqqissagaluaruit

Fold alle ud

Kommunemut nuunnerit nalunaarutigiuk

Borger.dk-mut iserlutit kommunemut nuunnerit nalunaarutigissavat. 

Inigisat, gas-i, kallerup innera pisussaaffitillu allat taamaatsillugit nalunaarutigikkit.

Eqqaamallugu makku taamaatsillugit nalunaarutigissagakkit, soorlu inigisat, gas-i, kallerup innera aamma internet.